الرئيسيةالرئيسية  س .و .جس .و .ج  بحـثبحـث  التسجيلالتسجيل  دخول  

شاطر | 
 

 أنواع اسماك الزينة وتجهيز حوض السمك من الالف للياء

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
forget_it
كبار الشخصيات
 كبار الشخصيات
avatar

الوطن :
العمل :
الهواية :
المزاج :

الجنس : ذكر
عدد المساهمات : 441
نقاط : 618
السٌّمعَة : 6

مُساهمةموضوع: أنواع اسماك الزينة وتجهيز حوض السمك من الالف للياء   السبت 21 أغسطس 2010, 6:30 pm

طبعا سمك الزينة هواية اولا قبل مايكون ديكور يعنى لو عاوز تجيب واحد شكل بس ..يبقى بلاش تكمل الموضوع
اما لو عاوز تعمل حوض للمتعة الشخصية والتأمل فية والاهتمام بالسمك وتشوف مراحل حياتة قدامك يبقى كمل الموضوع لانك هاتستمتع جدااا بس قصاد المتعة دى انت هاتتعب شوية ...


هانتكلم الاول عن انواع السمك :

فية نوعين اساسيين
النوع الاول : سمك المياة المالحة (مش هانتكلم عنة دلوقتى وهاتعرفو لية )

النوع الثانى : اسماك المياة العذبة
ودة فية منة اسماك شرسة واسماك مسالمة
بس الاكتر هوة السمك المسالم نظرا لالوانة واشكلة الحلوة ومتطلباتة القليلة
وعموما اسماك المياة العذبة بتتميز بسهولة تربيتها وقلة تكلفتها عن السمك المالح وانتشارها علشان كدة الموضوع هايكون عن السمك العذب..استمتعواااا بالموضوع

-طيب نحب نعرف اية الحاجات الاساسية علشان يكون عندى حوض سمك ناجح :

1- الحوض
2- جهاز اكسجين (o2 pumper)
3-فلتر
4-اضائة
5-ارضية الحوض
6- سخان
7- النباتات
8-الديكورات
9-السمك

يلا نتكلم عن كل حاجة بالتفصيل شوية


1- الحوض:

[ندعوك للتسجيل في المنتدى أو التعريف بنفسك لمعاينة هذه الصورة]


فية قاعدة اساسية للحوض وكل الى بيربى السمك يعرفها وهيا انة كل ما هاتجيب حوض اكبر كل يكون احسن لان لما الحوض يكبر يعنى ان :
فرصة تربية عدد اكبر من السمك بتزيد
مش هايتوسخ بسرعة
لو فية مرض جة للسمك مش هاينتقل بسرعة وتقدر تلاقى الحل
شكل احلى طبعا

والحوض بيكون لية اشكال كتيييير بس احسن شكل وافضلهم هو المستطيل ..لانة بيدى مساحة اكبر للسمك فى السباحة وواجهة الحوض بتكون اكبر واحلى وبيخلى سطح الماء اكبر ونسبة دخول الاكسجين فية اكتر

وفية نوعيين اساسيين للمادة الى الحوض بيتعمل منها وهما الزجاج والاكريليك (البلاستيك المقوى) بس انا بافضل الزجاج لانة ارخص بكتيييير ومش بيتخدش ولو قدر الله وجزء اتكسر بتغير الجزء المكسور بس ..اما الاكريليك لو اتشرخ الحوض كلة بيبوظ وبعد فترة بتلاقى الحوض اتخربش وبقا شبة الكيس البلاستيك ..
وماتنساش ..هات اكبر حوض تقدر علية


- جهاز اكسجين (o2 pumper)

[ندعوك للتسجيل في المنتدى أو التعريف بنفسك لمعاينة هذه الصورة]


دة وظيفتة انة يدخل الهواء المشبع بالاكسجين لداخل الحوض وفية منة انواع كتييييير بس معظمة صيينى وكويس .. وفية منة احجام بس عموما فية معادلة معروفة ان الجهاز الى حجمة متوسط (او زى ما المحلات بتسمية ..جهاز اكسجين بروح واحدة ) بيدخل اكسجين كفاية ل 120 لتر من الماء
ولو عاوز تعرف الحوض بياخد كام لتر ماء
طول الحوض بال سم *وطول القاعدة ب السم *ارتفاع الماء ب ال سم /1000

يعنى لو حوض طولة*عرضة *ارتفاع الماء = 100*30*40 /1000= 120 لتر من الماء

وبكدة نقدر نحدد جهاز الاكسجين الى عاوزينة يعنى لو حوضى 300 لتر يبقى هاحتاج 3 اجهزة اكسجين (بروح واحدة )
بس اجهزة الاكسجين عموما فية بروح واحدة وفية بروحين ..فممكن اجيب واحد بروح والتانى بروحين ...(معلش لخبطكوا شوية )


3-فلتر:

[ندعوك للتسجيل في المنتدى أو التعريف بنفسك لمعاينة هذه الصورة]

وظيفتة انة بينقى ماء الحوض من الشوائب والفضلات ويحجزها داخلة علشان تشوف حوض صافى ونظيف
الانوع برضة كتيييير وفية خارجى وفية داخلى بس الاحسن والارخص واكثرهم عملية ..هوة فلتر باور هيد ودة طريقة عملة اننا بنحطة فى ركن من اركان الحوض ونشغلة بيبتدى يشفط ماء الحوض الى فية شوائب ويعدية على الاسفنجة الى جواة ويخرج الماء من الناحية التانية بدون شوائب لانة بيكون حجزها فى الاسفنجة زى فلتر العربية ..وكل فترة لما نحس ان كفائتة فى التنظيف قلت بنطلع الاسفنجة منة ونغسلها بالماء فقط ونرجعها مكانها ..وبيكون مكتوب علية القدرة بتاعتة وبينظف كام لتر فى الساعة بالطريقة دى

100L30m
يعنى فى النص ساعة بينظف 100 لتر ودة كويس جدااااا وبلاش نجيب واحد قوتة كبيرة علشان تأثيرة لانة بيعمل تيار على السمك والاحسن انك تجيب واحد يقدر ينظف الماء فى حوضك من ساعة : ساعتيين كدة يكون كويس ومعقول اوى

4-اضائة:


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

طبعا دى مهمة جدااا لانها بتظهر جمال الحوض وفية منها انوع مفيد للسمك بس احسن نوع ومش مضر على السمك وبيظهر الوانهم هوة النيون الابيض

5-ارضية الحوض:

[ندعوك للتسجيل في المنتدى أو التعريف بنفسك لمعاينة هذه الصورة]


الى هيا الحصى فى قاع الحوض وفية منة الطبيعى والصناعى والى على شكل رمل والى مكون من قواقع مجروشة والى معمول من الجرانيت المجروش والى من زجاج والوااان كتير
ومش وظيفتة انة شكل بس ...لا دة كمان بيعمل كفلتر لانة بيمتص الفضلات الى بتقع فى قاع الحوض والفلتر مش بيلحق ينظفها
والكمية الى هاتحتاجها هيا حوالى 2 سم ارتفاع بس على حسب حجم الحوض يعنى هاتفضل تحط لحد ماتفرش ارضية الحوض بارتفاع 2 سم ودة كفاية اوى
وافضل انوع الى هيا لونها فاتح وحبيباتة حجمها متوسط ...زى حجم حبة الفاصولياء ,طبعا لازم يتغسل كويس اووىىىىى اكتر من مرة قبل ما يتحط لانة ممكن يدمر الحوض نهائيا لو ما اتغسلش اكتر من مرة


6- سخان


طبعا دة وظيفتة انة بيخلى درجة حرارة الماء زى البيئة الطبيعية للسمك ..وانواعة كتيير بس احسنها الى بيكون فية ترموستات بحيث انك بتظبطة على درجة حرارة معينة وهوة بيفصل لما يخلى الحوض بالدرجة دى ولما الحوض يبرد بيسخن تانى وهكذااا وبما اننا بنتكلم عن احواض المياة العذبة وانواع اسماكها كتييير بس متوسط درجة الحرارة هو 35 مئوية مناسب تقريبا لكل انواع السمك

7- النباتات


فية منها نوعيين رئيسيين النباتات الطبيعية والنباتات الصناعية
والصناعى وظيفتة شكل بس
اما الطبيعى بيساعد على انة الدورة البيولوجية فى الحوض تبقى سليمة بس مشكلتة انة بيحتاج عناية فائقة اكتر من السمك وفية انوع تنفع مع سمك معين وانواع ماتنفعش وعاوز موضوع طويييل ف ها نخلية قدام شوية

8-الديكورات

[ندعوك للتسجيل في المنتدى أو التعريف بنفسك لمعاينة هذه الصورة]


الديكورات هاتلاقيها فى كل محلات السمك وممكن تستخدم حاجات عندك فى البيت كديكور
ممكن مج شاى او قهوة مش محتاجة او مشروخ او ايدة مكسورة او زجاجة برفان فاضية ننظفها ونحطها او... او حاجات كتييير
بس القاعدة الاساسية فى الديكور انة كل مايكون اخف يكون احسن ومايكونش بيتحلل فى الماء ولا لية حواف حادة


9-السمك :

اولا كمية السمك المناسبة لحوضك بتكون 2 لتر لكل سم يعنى لو السمكة طولها 10 سم يبقى عايزة 20 لتر ماء

...كدة الحوض مش هايكون زحمة وهايكون مناسب جدااا


قلنا ان فية منة نوعين ..شرس ومسالم
بس قاعدة عامة برضة حتى لو السمكتين كانوا مسالمين لو فية سمكة فى حجم فم واحدة اكبر منها تبقى فريسة ليها

الاسماك الشرسة : دى بلاش نبتدى بيها لانها هاتحتاج عناية واكل وبروتيين و اهم انواعها فى مصر :

سمك البيرانا
[ندعوك للتسجيل في المنتدى أو التعريف بنفسك لمعاينة هذه الصورة]

وسمك الاوسكار

[ندعوك للتسجيل في المنتدى أو التعريف بنفسك لمعاينة هذه الصورة]

وعائلة اسماك السيكلد الافريقية

[ندعوك للتسجيل في المنتدى أو التعريف بنفسك لمعاينة هذه الصورة]

الاسماك المسالمة : انواعها كتيير بس لو فية واحدة اكبر من التانية بكتيير هاتكلها ماتنسوش

يعنى لما تختار السمك هات الى يكون حجمة متقارب

بس خلى بالك ان السمك الى لية زعانف طويلة ورشيقة بيكون عرضة لان السمك التانى ياكل زعانفة
دى من نوع الجولد فيش شوفوا زعانفة رقيقة اوى

[ندعوك للتسجيل في المنتدى أو التعريف بنفسك لمعاينة هذه الصورة]

ممكن تربية بس فى حالة ان السمك الى عندك يكون كلة جولد فيش

فالاحسن اننا نجيب سمك يكون لية زعانف قوية او بمعنى اصح ماتكونش رقيقة زى دى زعانفها مش رقيقة اوى
سمك المولى

[ندعوك للتسجيل في المنتدى أو التعريف بنفسك لمعاينة هذه الصورة]

وفية نوعين تانى من السمك دول عدوانيين تجاة السمك التانى حتى من نفس جنسهم وبيتروا لوحدهم زى
الفايتر

[ندعوك للتسجيل في المنتدى أو التعريف بنفسك لمعاينة هذه الصورة]

الجورامى






والفايتر والجورامى فية منهم الوان كتييير يعنى نخلى بالنا









دلوقتى بقا الخطوات الى هانعملها علشان نشغل الحوض :

1- نغسل الحصى بتاع الارضية كويس جداااااااااااااااااااااا ودة اهم حاجة

2- نحط الحصى ونركب كل الاجهزة الى جبناها فى ركن من الحوض

3- نضيف الماية بالراحة علشان مانبوظش الترتيب

4- نخلى الحوض شغال بكل اجزتة ونشغل كل حاجة لمدة 3 ايام قبل ما نجيب السمك علشان نطلع الكلور الى فى الماء او ممكن نجيب حاجة اسمها مزيل كلور ونحطها ومش لازم نستنى 3 ايام

5- قبل ما تجيب السمك هات سمكتين كتجربة وسيبهم فى الحوض لمدة 5 ايام علشان لو فية خلل فى نظام الحوض يبان والخسارة تبقى فى السمكتين دول بس


ازاى تضيف السمك للحوض :

انت طبعا لما بتشترى السمك بتاخدة فى كيس مملؤ ماية
تروح وتحط الكيس زى ماهو مقفول على سطح ماء الحوض لمدة 10 دقائق علشان تخلى السمك يكتسب درجة حرارة الحوض الى عندك لانة لو اتحط فجأة ممكن ياخد صدمة ويموت
وبعدين تفتح الكيس وتنزل السمك بلطف ..



ازاى تنظف الحوض :

1- الحوض بنغير ربع الماء بتاعة كل 3 شهور وكل الماء كل سنة (الكلام دة لو التزمنا بالفلتر المناسب وكمية السمك المناسبة ) والفلتر بيتغسل كل ما نحس ان كفائتة قلت وغالبا بيكون مرة اسبوعيا

2- الحصى كمان بيتنظف كل 3 شهور وطريقة تنظيفة باننا بنطلع السمك فى جردل او وعاء خارجى ونحط فية ماء من الحوض وخرطوم الاكسجين بس
ولما نتأكد ان الحوض فاضى من السمك نبتدى نرفع الحصى باى اداة مناسبة (انا باستخدم كوباية كبيرة) ونحطة تحت ماء جارى لحد ما ينظف بدون استخدام صابون
وبنرجع نحطة تانى وبعدين نحط السمك زى ما كان





معلومات هامة

1- قبل ما تحدد مجموعة اسماكك انزل المحلات ودور على النت واعرف خصائص كل نوع

2- ماتستعجلش ابداااااا فى انشاء حوضك

3- لما تعرف الانواع الى انت عاوزها شوف الاكل المناسب ليها واسال فى محلات الاسماك واعرف كل نوع بيفضل انة ياكل اية لانة فية انوع بتفضل تعيش قريب من السطح ف بنحطلها اكل بيطفوا وانواع بتحب تبقى فى القاع ودى بتاكل انواع بتغطس


4- حاول ان الحوض يكون فى مكان بعيد عن الدخان والمبيدات والبرفانات ويكون قريب من ضوء الشمس بس مش مباشر لية

5- قبل ما تشترى من محل اتاكد ان السمك نضيف ونشيط والحوض نضيف

6- قارن الاسعار ولف ودور قبل ما تشترى

7- بالنسبة للاجهزة لازم تجربها فى المحل قبل ما تاخدها

8- السمك بياكل مرتين فى اليوم ومش كل مرة هانغرقة اكل دول يدوب كام حباية بس

الموضوع منقول للأهمية








[ندعوك للتسجيل في المنتدى أو التعريف بنفسك لمعاينة هذه الصورة]

Uploaded with ImageShack.us

[center]
[ندعوك للتسجيل في المنتدى أو التعريف بنفسك لمعاينة هذه الصورة]

توقيعى علامة مسجلة

جدد ايمانك بـــ

لا إله إلا الله محمد رسول الله
[/center]


عدل سابقا من قبل forget_it في الأحد 22 أغسطس 2010, 1:09 am عدل 1 مرات
الرجوع الى أعلى الصفحة اذهب الى الأسفل
مروة
مشرفة منتدي ادم وحواء
 مشرفة منتدي ادم وحواء
avatar

الوطن :
العمل :
الهواية :
المزاج :

الجنس : انثى
عدد المساهمات : 3458
نقاط : 3454
السٌّمعَة : 2

مُساهمةموضوع: رد: أنواع اسماك الزينة وتجهيز حوض السمك من الالف للياء   السبت 21 أغسطس 2010, 6:53 pm

تسلم الايااااااااااااااادى يا علي


توبيك رااااااااااااااااااااااااااائع

تحياتي وتقديرى لك








[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://forums.a7larab.net/forum.htm
forget_it
كبار الشخصيات
 كبار الشخصيات
avatar

الوطن :
العمل :
الهواية :
المزاج :

الجنس : ذكر
عدد المساهمات : 441
نقاط : 618
السٌّمعَة : 6

مُساهمةموضوع: رد: أنواع اسماك الزينة وتجهيز حوض السمك من الالف للياء   السبت 21 أغسطس 2010, 9:39 pm

العفو يا سمكة .....احمممم ## قصدى يا ميرو








[ندعوك للتسجيل في المنتدى أو التعريف بنفسك لمعاينة هذه الصورة]

Uploaded with ImageShack.us

[center]
[ندعوك للتسجيل في المنتدى أو التعريف بنفسك لمعاينة هذه الصورة]

توقيعى علامة مسجلة

جدد ايمانك بـــ

لا إله إلا الله محمد رسول الله
[/center]
الرجوع الى أعلى الصفحة اذهب الى الأسفل
غيث
مجلس الإدارة
 مجلس الإدارة
avatar

الوطن :
العمل :
الهواية :
المزاج :

الجنس : ذكر
عدد المساهمات : 7816
نقاط : 10890
السٌّمعَة : 7

مُساهمةموضوع: رد: أنواع اسماك الزينة وتجهيز حوض السمك من الالف للياء   الجمعة 27 أغسطس 2010, 2:49 pm

ربي يسلم ايديك على المعلومات الجامدة منك










[ندعوك للتسجيل في المنتدى أو التعريف بنفسك لمعاينة هذه الصورة]

ذهب رونالدو ذهب مورينيو والبارسا اتهور .. جابوا الاول هوبا الخامس كاسيس اتعور ..
ماما قالتله سيب البارسا وخليها في حالها .. ساب تدريبو هو وبيبو وغازل في جمالها ..
راحت البارسا مخربشة ايدو وتشافي عملهااااا .. وآدي جزاه الريال لما يلاعب البارسا !!



الرجوع الى أعلى الصفحة اذهب الى الأسفل
 
أنواع اسماك الزينة وتجهيز حوض السمك من الالف للياء
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: احلي عرب العام :: عالم الحيوان-
انتقل الى: